Kryeministri i Kosovës, Albin Kurti njëherit edhe kryetar i Lëvizjes Vetëvendosje, ka përjashtuar mundësinë e një koalicioni pas zgjedhor me PDK-në, LDK-në apo AAK-në.
Kurti ka thënë se të këto parti nuk kanë parë ndonjë reformim dhe se sulmet sipas tij ndaj LVV-së dhe qeverisjes së tij që janë bërë muajve të fundit, nuk sheh mundësi që të ketë ndonjë koalicion.
“Nuk shohim mundësinë për koalicione paszgjedhore, prandaj i kemi bërë ato parazgjedhore me partinë Alternativa dhe Guxo, me të cilët kemi bashkëqeverisur këto 4 vjet dhe i kemi përvojat e mbresat më të mira. Partitë që kanë qenë gjatë në qeverisje në Kosovë, PDK, LDK dhe AAK në këto katër vite unë nuk kam parë që janë reformuar dhe kur kemi parasysh, sidomos në këto muajt e fundit sulmet që janë bërë ndaj subjektit tonë politikë, ndaj qeverisjes tonë të mirë e demokratike, nuk shohim mundësi që të kemi çfarëdo koalicioni në mandatin tjetër”, ka thënë Kurti në një intervistë për KosovaPress
