Njeriu përgjegjës pas sulmit me kamionë në New Orleans në ditën e Vitit të Ri ku la të vdekur 14 njerëz, ka vizituar këtë qytet dy herë dhe ka xhiruar video përmes syzeve të mençura të Metas, tha një zyrtar i FBI.
Shamsud-Din Jabbar poashtu ka udhëtuar në Kajro dhe Kanada para sulmit megjithëse nuk dihet nëse këto vizita janë të lidhura me sulmin, tha zëvendës ndihmësi i drejtorit Kristofer Raia, në një konferencë për shtyp.
Policia e qëlloi fatalisht të akuzuarin Jabbar, 42, gjatë një shkëmbimi me armë zjarri në vendin e përplasjes së kamionit me qira në rrugën Bourbon, e njohur për atmosferën festive në Lagjen Franceze historike, në Neë Orleans, raporton Associated Press.
Deri tash hetuesit federal besojnë se Jabbar ka vepruar si i vetëm, por që vazhdojnë të kërkojnë në kontaktet e tij.
“Agjentët tanë janë duke kërkuar përgjigjje mbi atë se ku ka shkuar, me kënd është takuar, dhe se a mund të kenë lidhje këto vizita me veprimet e tij këtu.” ka thënë Myrthil./teve.info/
