I ftuar në emisionin “Respublika” në Tëvë 1, ai thotë se edhe pse është shtuar insistimi për t’u anëtarësuar në NATO, vendi është i sigurt pasi që “NATO është në Kosovë”.
Kurse, sa i përket veprimeve të Serbisë, Buja thekson se nuk qëndruar plotësisht të qetë sepse ajo mund të veprojë në rrethana të papritura.
“Çështja është se njerëzit kanë njëfarë shqetësimi se mos Serbia është rrezik për këtë pjesë të Ballkanit unë nuk e mendoj që mund të jetë kështu ne kemi një fat që na përcjellë e kemi shqetësimin dhe atë respektin dhe instistimin për t’u anëtarësuar në NATO por aktualisht NATO-n e kemi këtu por kjo është diçka që nuk duhet të na inkurajojë. Duhet ta dijmë përfundimisht që nuk duhet të flejmë bash qetë edhe përfundimisht se nuk kemi hall për këtë gjë sepse historikisht se cila ka qenë Serbia dhe blloku i asaj ane dhe mund të veprojë në kohë dhe rrethana kur ne nuk i presim”, tha ai.
Tutje, Buja ka komentuar edhe stërvitjet e fundit ushtarake të Serbisë, për të cilat thotë se është “mesazh i fortë dhe i keq”.
“Kush e merrr vesh është mesazh i fortë dhe i keq sepse në fakt vetë aeroplanët rusë nuk fluturojnë për arsye të motit të ligë. Ndërsa të Serbisë fluturojnë mbi të gjitha qytetet e Serbisë në shenjë të festimit të kësaj feste që e kremton më së shumti Rusia bie deri te Leskovci afër kufirit me Kosovën dhe kjo do të na tregojë diçka se ne jemi këtu dhe mos harroni. Ne ka mundësi të harrojmë nganjëherë, por është mirë të mos e harrojmë se si do të përfundojë dialogu unë jam shumë skeptik në këtë ritëm dhe dinamikë dhe mendësi veprimi të pjesës sonë të dialogut për faktin që u dialogua gjatë kohë u kryn disa marrëveshje teknike atëherë dhe nuk u realizuan disa prej tyre”, tha ai./teve1.info.
