Lajmin për teve1.info ka konfirmuar zëdhënësi i Policisë së Kosovës për rajonin e Ferizajt, Kanun Veseli.
Ai bëri të ditur se nga ky rast lëndime trupore kanë marrë dy persona, të cilët po marrin trajtim mjekësor në Spitalin Rajonal të Ferizajt.
Sipas tij, ende nuk dihen shkaqet që kanë ardhur deri te shembja e soletës, teksa shtoi se në vendngjarje kanë dalë inspektorati i punës.
“Në ora 13:25 ka ndodhur ky rast. Lëndime kanë pësuar 2 persona, të cilët pas marrjes së ndihmës së parë mjekësore në Kaçanik, janë dërguar në Qendrën në Ferizaj, të cilët po trajtohen. Rasti është cilësuar si ‘Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e ngjarjes’. Ndërsa në vendin e ngjarjes ka dalë është inspektoriati i punës. Rasti po hetohet”, tha ai./teve1.info/
