Një 65-vjeçar ka vdekur në orët e para të mbrëmjes në rrugën “Dëshmorët e Kombit” në Mitrovicë.
Sipas Policisë së Kosovës, ai derisa ishte duke lëvizur me biçikletë është goditur nga një veturë dhe ka ndërruar jetë në vendin e ngjarjes.
Sonte, rreth orës 18:35, në rrugën “Dëshmorët e Kombit” në Mitrovicë është shkaktuar aksident trafiku me pasojë fataliteti. Në aksident janë përfshirë një veturë dhe një biçiklist ku si pasojë e lëndimeve të pësuara në vendngjarje ka humbur jetën biçiklisti viktima mashkull /kosovar i moshës 65-vjeçar”, ka thënë zëdhënësi i Policisë për rajonin e Mitrovicës, Avni Zahiti.
Ai ka thënë se njësitet përkatëse policore janë në vendin e ngjarjes dhe janë duke u marrë me hetimin e aksidentit.
