Ambasadori i deritanishëm i SHBA-së në Kosovë, Jeffrey Hovenier, është larguar nga Kosova.
Këtë e bëri të ditur vetë Hovenier përmes një postimi në rrjetin social “X”, ku tha se Anu Prattipati e ka marrë detyrën e të ngarkuarit me punë në ambasadën e SHBA-së në Kosovë.
“Ambasadori Hovenier është larguar nga Kosova. Anu Prattipati ka marrë detyrën e të Ngarkuarit me Punë në Ambasadën e SHBA-së në Kosovë”, thuhet në njoftimin e lëshuar nga llogaria e Hovenierit.
Ndryshe ditë më parë, presidentja Vjosa Osmani i ka dhuruar një gur të Trepçës , ambasadorit amerikan në Kosovë, Jeffrey Hovenier në takimin lamtumirës.
Osmani ka thënë se ky është një gur, simbol i tokës së lirë, të pavarur të Kosovës për të cilin ambasadori Hovenier u angazhuar shumë dhe vazhdim i traditës së ish-presidentit Rugova që vendosi themele e shtetit të Kosovës dhe miqësinë me ShBA-në.
“Një gur nga Trepça si simbol i tokës së lirë, të pavarur e të pandashme të Kosovës, mision për të cilin Ambasadori Hovenier u angazhua për më shumë se dy dekada. Njëkohësisht si simbol i vazhdimit të traditës dhe trashëgimisë së Presidentit Rugova, i cili vendosi themelet e forta të shtetësisë së Kosovës dhe të miqësisë së përhershme me SHBA-të”, ka shkruar Osmani.
Osmani i dhuron Hovenierit një gur nga Trepça, si simbol i tokës së lirë
