Tre malazezëve të arrestuar në Deçan për mbishkrimin “Kosova ëshë Serbi” në targat e veturës u është vazhduar masa e paraburgimi.
Kështu ka bërë të ditur për Tëvë 1 Mirlinda Gashi, zëdhënëse për media në Gjykatën Themelore në Prishtinë.
“Prokuroria Speciale ka propozuar vazhdimin e masës se paraburgimit ndaj të pandehurve R.K, M.J dhe D.L., andaj Gjykata me Aktvendimin PPPS.nr.77.24 të datës 23.12.2024 ka vazhduar masën e paraburgimit ndaj të njëjtëve edhe për një muaj, për secilin. Gjykata ka vazhduar masën e paraburgimit në mbështetje të nenit 184 paragrafi 1, nën paragrafi 1.1 dhe 1.2, pika 1.2.1 të KPPRK-së”, ka thënë Gashi.
Ndryshe, një muaj më parë gjatë një feste ortodokse sot në Manastirin e Deçanit, Policia e Kosovës kishte hasur në një veturë të dyshimtë me targa malazeze.
Në targat e kësaj veture ishte mbishkrimi “Kosova është Serbi”, kurse policia pas një pune intensive ka arrestuar tre të dyshuar, që gjendeshin në automjet.
Dy ushtarët e Malit të Zi që u arrestuan në Kosovë do të suspendohen
