Policia e Kosovës ka ndaluar dy zyrtarë të komunës së Graçanicës, nën dyshimin për korrupsion.
Kështu ka njoftuar kryetarja e Graçanicës, Liliana Shubariq.
Në një prononcim për media ajo ka thënë se me këtë hetim dhe ndalim nuk është vënë në dyshim puna e menaxhmentit të Komunës apo menaxhmentit të Drejtorisë së Kadastrit, por bëhet fjalë për punën e dy zyrtarëve, transmeton “Kossev”.
E pyetur pse janë ndaluar zyrtarët, ajo ka thënë se bëhet fjalë për korrupsion.
“Ne kemi thënë se ata (policia) mund të bëjnë punën e tyre dhe duhet ta bëjnë atë”, tha Shubariq.
Ndryshe, drejtoria për Hetimin e Krimeve Ekonomike dhe Korrupsionit në bashkëpunim dhe koordinim me organet e drejtësisë, ka realizuar një operacion policor në komunën e Graçanicës.
Kështu ka bërë të ditur për Tëvë1 zëdhënësi i policisë, Baki Kelani i cili ka thënë se deri më tani në lidhje me rastin janë shoqëruar dy persona të dyshuar.
“Ky operacion policor, deri më tani ka rezultuar me shoqërimin e dy personave të dyshuar për intervistim dhe procedura të mëtejme policore. Pas përfundimit dhe kompletimit të operacionit policor, do të bëhen të ditura informacionet shtesë”, ka deklaruar ai.
Drejtoria Kundër Krimeve Ekonomike kryen operacion policor në Graçanicë
