Therje me thikë në Tërstenik të Drenasit, arrestohen dy persona

Dy persona janë arrestuar nga Policia e Kosovës, pasi që të njëjtit kishin sulmuar me thikë një tjetër person.

Si pasojë e plagëve të marra, i lënduari është dërguar për tretman mjekësor.

Ndërkohë, dy të dyshuarit pas intervistimit me vendim të prokurorit janë dërguar në mbajtje.

Ngjarja dyshohet se ka ndodhur në fshatin Tërstenik të Drenasit, pasditen e së martës.

“Janë arrestuar dy të dyshuar meshkuj kosovarë pasi që të njëjtit pas një mosmarrëveshje kishin sulmuar fizikisht me mjet të mprehtë (thikë) viktimën mashkull kosovar. Viktima ka pranuar tretman mjekësor, ndërsa të dyshuarit pas intervistimit me vendim të prokurorit janë dërguar në mbajtje”, thuhet në raportin ditor të PK-së./teve1.info/