Tre autobusë janë shkrumbuar nga flakët në orët e para të mëngjesit të kësaj të marte në Shkozë. Autobusët kanë qenë të parkuar te ish-Uzina e Autotraktorëve.
Policia dhe forcat zjarrfikëse shkuan në vendin e ngjarjes ku paraprakisht dyshohet se flakët janë shkaktuar nga një defekt elektrik te një prej autobusëve të cilët kanë qenë të parkuar pranë njëri-tjetrit.
Fillimisht flakët kanë nisur te njëri prej autobusëve dhe më pas zjarri ka depërtuar edhe te 2 urbanët e tjerë që ndodheshin aty pranë.
“Rreth orës 00:35, në rrugën Ali Demi, në parkingun e një firme private, dyshohet se për shkak të një defekti elektrik është përfshirë nga flakët 1 automjet (autobus linje) dhe si pasojë e shpërndarjes së flakëve janë djegur dhe dy automjete të tjera (autobusë linje).Grupi hetimor po punon për sqarimin e plotë të rrethanave të shkakut të rënies së zjarrit”,thuhet nga policia./euronews.al/
