Ky memorandum do hapë rrugë për fillimin e arsimimit rreth holokaustit për mësimdhënësit në seminare trajnuese.
Për këtë ka njoftuar Qendra Përkujtimore Botërore e Holokaustit, Yad Vashem, përmes një komunikate për media.
“Më nëntë maj, zv/kyeministrja e Kosovës, Donika Gërvalla, do të vizitojë Qendrën Përkujtimore Botërore të Holokaustit, ku do të nënshkruajë memorandum e parë të mirëkuptimit duke i etabluar zyrtarisht marrëdhëniet formale mes Shkollës Ndërkombëtare për Studime të Holokaustit, Yad Vashemm dhe Ministrisë së Arsimit, Shkencës, Teknologjisë dhe Inovacionit në Kosovë”, thuhet në komunikatë.
“Kosova, një vend me shumicë myslimane në Ballkan, do të shënojë fillimin e arsimimit rreth holokaustit për mësimdhënësit në seminare trajnuese”, vijon njoftimi.
Ministrja e Punëve të Jashtme, Donika Gërvalla, në vizitën e parë zyrtare në Izrael, është takuar me kryetarin e Odës Ekonomike të Izraelit, Roy Roznek.
Izraeli dhe Kosova kishin vendosur marrëdhënie diplomatike më një shkurt 2021, ndërsa Kosova hapi ambasadën e saj në Jerusalem, më 14 mars të po të njëjtit vit.
Hapja e kësaj ambasade rrjedh nga marrëveshja e katër shtatorit të vitit 2020 në Ëashington.
Ndërkohë, njohja e pavarësisë së Kosovës nga Izraeli ishte pjesë e marrëveshjes së nënshkruar në Shtëpinë e Bardhë ndërmjet Kosovës dhe Serbisë, me ndërmjetësimin e ish-presidentit të Shteteve të Bashkuara të Amerikës, Donald Trump./teve1.info/
