Fabrika e mishit “Apetit Group” është përfshirë nga zjarri mëngjesin e së mërkurës në fshatin Babimovc.
Sipas policisë në lidhje me zjarrin se si ka ndodhur ngjarja, rrethanat janë ende të paqarta.
Rasti është iniciuar si “shënim zyrtar”.
“Obiliq / 18.12.2024 – 05:25. Raportohet se në rrethana të panjohura është përfshirë nga zjarri një fabrikë. Në vendin e ngjarjes përveç njësive policore kanë dalë edhe ekipet e zjarrfikësve dhe prokurori, lidhur me rastin në konsultim me prokurorin rasti inicohet si shënim zyrtar”, thuhet në njoftim.
Ndryshe, zjarri që ndodhi në një fabrikë të mishit në Obiliq, përveç dëmeve materiale në këtë kompani, gjatë intervenimit një zjarrfikës ka pësuar lëndime.
Sipas zëvendës komandantit të Brigadës së Zjarrfikësve, Abdusamed Shkodra, zjarrfikësi ka marrë trajtim mjekësor.
“Gjatë intervenimit në fabrikën “Apetiti Gropu”, një punëtor i joni, Burim Halili është lënduar ku ka marr lëndime të lehta i cili është dërguar në urgjencë ku ka marrë tretman mjekësor. Ai tani për momentin është në shtëpi. Sa i përket shkaktarit të zjarrit ne nuk i bëjmë hulumtimet e shkaktarit, ende është herët te dihet, duhet të dal në terren inspektori i cili bën vlerësime të shkaktimit të zjarrit dhe mund të vijnë në konstatim se çka ka qenë shkaktari”, tha Shkodra për teve1.info.
