Dy nga tre policët e lënduar në vet-aksidentin që ndodhi të premten do të lirohen të martën. Kurse njëri nga këta do ti nënshtrohet edhe një operacioni. Por gjendja e këtyre është stabile sipas Shërbimit Spitalor Universitar të Kosovës. Deri me tani nuk dihen ende shkaktaret që dërguan deri tek ky aksident.
Mbrëmjen e së premtes tetë polic të Kosovës u lënduan pasi autoblinda e tyre përfundoi jashtë rrugës deri sa ishin në fshatin Grabovc të Zveçanit.
Sipas Policisë, zyrtari policor dyshohet se ka humbur kontrollonin gjatë vozitjes.
E tre policët e lënduar deri të hënën ishin duke iu trajtuar në Qendrën Klinike Universitare të Kosovës.
Detaje për gjendjen e tyre dhanë Shërbimi Spitalor Universitar i Kosovës.
“Dy, nga tre policët e lënduar në veri të Kosovës pritet të lirohen në shtëpi, pas tretmanin mjekësor që kanë marrë në Qendrën Klinike dhe Universitare të Kosovës, përderisa njëri prej tyre pritet të operohet në Klinikën e Kirurgjisë Maksillofaciale. Polici që është operuar si rast urgjent në kërcin e gjurit, në Klinikën e Ortopedisë, ka gjendje stabile shëndetësore dhe është në përkujdesje të stafit shëndetësor të kësaj klinike, pritet të lirohet gjatë ditës së nesërme.Ndërsa rasti tjetër që është trajtuar në Klinikën e Kirurgjisë Torakale, pas trajtimit, pritet që gjatë ditës të lirohet në shtëpi, në gjendje stabile shëndetësore”.
Kurse njëri nga ta do të vazhdojë të trajtohet në QKUK dhe pritet që t’i nënshtrohet një operacioni.
Policët e lënduar, të hënën u vizituan edhe nga Sindikata e Policisë, të cilët kishin një kërkesë.
“Ngjarje e fundit dhe ngjarje të tilla theksojnë domosdoshmërinë e sigurimit të plotë shëndetësor për policin e Kosovës që çdo ditë përballen me rreziqe të shumta. Sindikata i bën thirrje edhe një herë institucioneve shtetërore të trajtojnë me prioritet sigurimin shëndetësor për të gjithë pjesëtarët e Policisë së Kosovës”, kanë deklaruar nga Sindikata.
Arsyet që dërguan deri ky aksident nuk dihen, madje ministri i Punëve të Brendshëm tha se janë duke hetuar shkaktaret që kanë ndikuar deri tek ky vet-aksident i autoblindës.
E mirëmbajta e autoblindave, sipas ish nënkolonelit të Policisë së Kosovës, Refki Morina, nuk bëhet nga çdo kompani.
“Tek autoblindat kërkohet një firmë e cila është e specializuar për këtë lami, që ne aspektin edhe vendor edhe kombëtar zgjidhet një firmë e tillë, dhe përzgjedhja dhe kontrolli teknik e autoblindave bëhet varësisht nga kilometrat vaji i harxhuar dhe mënyra sa përdoren ato dhe sa është e nevojshme të bëhet brenda një viti”, ka pohuar ai.
Tëvë 1 ka dërguar pyetje edhe në Policinë e Kosovës se kur i është bërë se fundmi mirëmbajta autoblindës që u aksidentua, por deri në momentin e transmetimit të kronikës nuk ka marr përgjigje.
