Njësiti i antidrogës në Prishtinë i mbështetur dhe nga Njësit për Reagim të Shpejtë, kanë zhvilluar një operacion kundër shitblerjes së substancave narkotike.
Policia ka bërë të ditur se ka mbledhur informata se dy të dyshuarit L.K dhe L.L, merren me shitblerje të substancave në shtëpinë e tyre në Matiqan në Prishtinë.
“Është kërkuar lëshimi i urdhëresës nga Gjykata Themelore në Prishtinë për bastisje të shtëpive të të dyshuarve të lartcekur dhe me datën 14.12.2024 rreth 15:00 nën asistencën e NJRSH-së është realizuar operacioni kontrollit ku në shtëpinë e të dyshuarit L.L. janë gjetur dy armë (revole): a. Revole Parabellum dhe një karikator me 7 fishek të kalibrit 9mm, b. Revole Super Sport dhe 12 fishek të kalibrit 9mm, ndërsa i dyshuari L. K. me ti vërejtur policinë ka tentuar të ik nga dritarja me një sasi të narkotikëve në dorë, mirëpo të njëjtin policia e kanë ndaluar dhe arrestuar. Gjatë bastisjes në shtëpinë e tij në pjesë të ndryshme janë gjetur 5 qese të mbushura me substancë të dyshuar narkotike e llojit Marihuanë me peshë të përgjithshme 1503.3 gram, (1 kilogram e 503.3 gram ) dy peshore digjitale që shërbejnë për matje të narkotikëve në sasi të vogla, 50 copë fishek me gas të kalibrit 9mm dhe 1695 euro në bankënota të ndryshme të cilat dyshohet se janë përfituar nga shitja e narkotikëve”, thuhet në komunikatë.
I dyshuari L.K është dërguar në mbajte, ndërsa L.L gjendet në arrati dhe rasti i tij është proceduar në Departamentin e Përgjithshëm.
