E këtë po e sheh si problematike vreshtari nga Rahoveci, Naser Haxhiimeri, shkak i mungesës së një noteri në komunën e tij.
Pa noter Rahoveci është qysh para dy viteve, kur u pensionua noteri i atëhershëm.
Si maltretim të panevojshëm e vlerëson i pari i Rahovecit, Smail Latifi, shkuarjen e rahovecianëve në komuna tjera për shërbime noterie.
E për këtë gjendje, Latifi ka fajësuar Ministrinë e Drejtësisë.
Me mungesë të noterëve përballen edhe 14 komuna të tjera, si Kamenica, Obiliqi, Mamusha, Malisheva, Kllokoti, Istogu, Parteshi, Ranilluku, Juniku, Leposaviqi, Zveçani, Zubin Potoku, Hani i Elezit dhe Skenderaj.
Kjo megjithëse ligji për noterë, parasheh së paku një noter për territorin e një komune.
E nga Ministria e Drejtësisë kanë thënë se këto zbrazëtira do të plotësohen me procesin e ri të emërimit.
“Emërimi i noterëve në komunat përkatëse pa noterë, ato me nga vetëm një noter, si dhe komunat që kanë nevojë për më tepër noter, do të bëhet pas procesit të ri të provimit të noterisë, përkatësisht gjatë këtij viti. Ministria e Drejtësisë është duke e konsideruar seriozisht mungesën e noterëve dhe shumë shpejtë, përbrenda kompetencave të saj, do të ndërmarrë veprime konkrete të cilat do të ofrojnë zgjidhje të këtij problemi”, thuhet në përgjigjen e MD-së.
Për komunat që kanë mungesë të noterëve, ky dikaster ka autorizuar 16 noterë të komunave tjera që të ofrojnë shërbime noterie.
Kronika e realizuar nga gazetarja Florijeta Dernjani.