Klubi i futbollit Drenica ka njoftuar se ka liruar nga detyra trajnerin, Bylbyl Sokoli.
Siç ka njoftuar klubi vendimi është marrë pasi Sokoli ka njoftuar se do të angazhohet në politikë.
“Me anë të këtij njoftimi, dëshirojmë t’ju informojmë se, më datë 11.12.2024, trajneri i Klubit Futbollistik Drenica, z. Bylbyl Sokoli, është liruar nga detyra. Ky vendim është marrë pas njoftimit të z. Sokoli, i cili ka vendosur të angazhohet në garën politike.
Vendimi është rezultat i angazhimit të klubit për të ruajtur paanësinë dhe për të shmangur çdo ndikim të mundshëm politik në aktivitetet tona sportive. Klubi Futbollistik Drenica mbetet i vendosur që sporti të qëndrojë i ndarë nga politika ditore, dhe ky hap vjen në përputhje me parimet tona”, thuhet në njoftimin e klubit. Drenica ka falënderuar Sokolin për siç thuhet përkushtimin dhe sukseset në klub”, thuhet në njoftim.
Tëvë1 ka raportuar se Bylbyl Sokoli i është bashkuar Vetëvendosjes.
