Qehaja tha se nxënësit e Kosovës mësojnë duke memorizuar, mësim mekanik.
“Edhe statistikisht nëse gjykojmë dyshoj shumë që mund të kemi një përmirësim në rezultat. Për arsye se nxënësit tanë mësojnë duke memorizuar, mësim shumë mekanik, ky është ajo metodologji e të mësuarit që nxitet brenda shkollës, jo me fajin e fëmijëve por për shkak të sistemit. Nxënësit tanë ligjet e fizikës dhe kimisë i dinë përmendsh por nuk dinë që të njëjtat t’i sqarojnë ose t’i dekompozojnë në mënyrë të logjikshme. Kjo është e fundit ajo çka kërkon testi pisa”, ka thënë ai në emisionin “Info Nata” në Tëvë1.
Ai thotë se shqetësimi i tyre nga monitorimi që kanë bërë për këtë vit për pak ditë, është që nxënësve iu mungon serioziteti për testin PISA.
“Shqetësimi ynë nga monitorimi që kemi bërë deri tani në zbatim të këtij testimi këtë vit për këto pak ditë sa ka filluar deri më 20 maj, është që nxënësit tanë mungojnë në seriozitet për testin PISA”, ka deklaruar Qehaja. /teve1.info/
