Lajmin e ka konfirmuar për Teve1.info, zëdhënësi i Policisë për Rajonin e Pejës, Driton Rugova, i cili tha se viktima është jashtë rrezikut për jetë.
Rugova tha se i dyshuari është arrestuar dhe të njëjtit i është konfiskuar arma, teksa potencoi se ngjarja ka ndodhur aksidentalisht.
“Rreth orës 19:40 në fshatin Vitomiricë është raportuar për plagosje me armë zjarri. Njësitet relevante menjëherë i janë përgjigjur rastit dhe në vendngjarje është arrestuar i dyshuari dhe i është konfiskuar arma. Viktima është dërguar për tretman mjekësor edhe është jashtë rrezikut për jetë. Të dy personat janë të mitur dhe janë shokë mes vete, teksa plagosja gjatë hetimeve të para besohet të ketë ndodhur në mënyrë aksidentale”, tha ai. /teve1.info/
