Sipas njoftimit të kësaj Gjykate, e pandehura akuzohet se më datë 31 gushtë 2018 ka privuar nga jeta ish të dashurin e saj në Ferizaj.
“Ferizaj, 6 maj 2022 – Gjykata Themelore në Ferizaj, ka shpall aktgjykim dënues ndaj të pandehurës M.P.,, shtetase e Republikës së Kosovës, e cila sipas aktakuzës së Prokurorisë Themelore në Ferizaj, akuzohet për vepra penale “vrasje e rëndë nga neni 179 paragrafi 1 nën paragrafi 1.4 të KPRK-së; dhe mbajtja në pronësi, kontroll ose posedim të paautorizuar të armëve nga neni 374 paragrafi 1 të KPRK-së”. Vepra të sanksionuara me Kodin Penal të Republikës së Kosovës.Trupi gjykues i Departamentit për Krime të Rënda, e shpalli fajtor për dy veprat penale dhe i shqiptoi dënim unik burgimi ne kohëzgjatje prej tetëmbëdhjetë (18) vite, duke i llogaritur kohën e kaluar në paraburgim nga data 26 qershor 2019 e tutje. E pandehura M.P., akuzohet se me datë 31 gusht 2018, me dashje dhe në mënyrë dinake, ka privuar nga jeta tani të ndjerin A.K”, thuhet në njoftim.
Nga Gjykata Themelore në Ferizaj kanë bërë të ditur se kundër këtij aktgjykimi, palët kanë të drejtë ankese në afat prej 15 ditëve nga dita e pranimit të aktgjykimit në formë të shkruar. /teve1.info/
