Ministrja e Arsimit, Shkencës, Teknologjisë dhe Informacionit (MASHTI) Arbërie Nagavci pas konferencës së SBASHK-ut, bashkë me zëvendësministrinm Taulant Kelmendi kanë pritur në takim përfaqësuesit e kësaj sindikate.
Në njoftimin e SBASHK-ut thuhet se takimi ka përfunduar pa rezultate pasi ministrja Nagavci nuk ka treguar gatishmëri të bisedojë konkretisht për kërkesat mbi ngritjen e pagave dhe kontratën kolektive.
SBAShK ka ripërsëritur se nesër do të mbahet protestë dhe siç thuhet, Këshilli Drejtues do të vendosë edhe për veprimet tjera sindikale.
“Ishte ky takim i shkurtër dhe ka përfunduar pa as edhe një rezultat ngase Ministrja Nagavci nuk pati gatishmëri të bisedoj konkretisht për kërkesat legjitime të anëtarësisë që SBAShK i ka bërë publike tani e sa kohë”.
“SBAShK shpreh keqardhje për këtë qëndrim të Ministres Nagavci dhe prandaj nesër do të mbahet protesta e 4 paralajmëruar dhe Këshilli Drejtues do të vendosë edhe për veprimet tjera sindikale. SBASHK uron që nesër në kuadër të protestës përfaqësues të MASHTI-t të takohen me udhëheqës të protestës në përpjeke për të arritur marrëveshje të pranueshme për të dy palët”, thuhet në njoftimin e SBAShK-ut.
