Kështu ka bërë të ditur këshilltari i ministres Gërvalla, Sharr Jakupi.
Jakupi ka theksuar se në kuadër të kësaj vizite, ministrja Gërvalla do të takohet dhe do të bisedojë ndër të tjera me homologun e saj Lapid, me kryetarin e Jerusalemit Moshe Leon, e të tjerë diplomatë.
“Gjatë kësaj vizite temat kryesore do të jenë avancimi i marrëdhënieve diplomatike mes dy shteteve, zhvillimet aktuale rajonale dhe ndërkombëtare. Me qëllim të thellimit të marrëdhënieve dypalëshe do të nënshkruhen katër marrëveshje të bashkëpunimit, përmes të cilave Qeveria e Kosovës dhe Qeveria e Izraelit do të angazhohen për të promovuar dhe intensifikuar bashkëpunimin në fushën e edukimit, kulturës, bashkëpunimit ekonomik, bujqësisë, ujërave, shkencës, teknologjisë, inovacionit, shëndetësisë dhe fushave të tjera me interes të përbashkët. Vizita e ministres Gërvalla në këtë shtet është e para e një ministri të punëve të jashtme të Kosovës, që nga njohja e Republikës së Kosovës nga Izraeli”, thuhet në njoftim. /Teve1.info/
