Më 17 dhjetor mbahet seanca ndaj Edmond Lajçit, të dyshuarit për vrasjen e bashkëshortes në banesën e tyre mëngjesin e 16 prillit në Pejë.
Kështu ka bërë të ditur për Tëvë 1, avokatja e palës së dëmtuar, Fehmije Gashi-Byqyqi.
Ndryshe, gjyqtar i këtij rasti është Muse Povataj.
Lajçi akuzohet për veprën penale “Vrasje e rëndë”.
“Sipas aktakuzës, i pandehuri E.L, me datë 16 prill të vitit 2024, rreth orës 8:00 të mëngjesit, në banesën e tij në Pejë, ka privuar nga jeta me armë zjarri bashkëshorten e tij, viktimën Gj.U, për shkak të problemeve të vazhdueshme që i pandehuri kishte pasur me viktimën, duke i ushtruar dhunë psikologjike dhe fizike me herët, kurse, ditën kritike i pandehuri E.L, me armë zjarri ka shtënë një herë në drejtim të viktimës, duke e qëlluar në pjesën ballore të kokës, si pasojë e kësaj të shtënë është shkaktuar vdekja e menjëhershme e viktimës, e me pas i pandehuri largohet nga vendi i ngjarjes dhe paraqitet në Stacionin Policor të Pejës, i njofton zyrtarët policorë, duke ju thënë “e vrava gruan dhe dërgoje një patrullë të Policisë”, thuhet në njoftimin e prokurorisë.
