Të premten Agjencia Kosovare e Privatizimit ka marrë gjësendet e mbetura në lokalin i cili është mbyllur kohë më parë nga Policia e Kosovës në të cilën ka operuar Posta e Serbisë në veri të Mitrovicës. Në një përgjigje për Tëvë1, AKP thotë se këto lokale i takojnë ndërmarrjes shoqërore “Trepca Komerce”.
Aksionin e nisën me largimin e gjësendeve të mbetura brenda lokalit.
Kështu të premten Agjencia Kosovare e Privatizimit mori vendim për rikthimin e lokalit i cili i takon sipas listës së aseteve, ndërmarrjes shoqërore “Trepca Komerce”.
Këtu u konfiskuan, gjitha materiale që i takojnë Postës së Serbisë.
Në një përgjigje për Tëvë1, AKP ka konfirmuar për TËVË1 aksionin e sotëm.
“Agjencia Kosovare e Privatizimit sot ka marrë një veprim për largimin e gjësendeve të mbetura në lokalin i cili ishte mbyllur kohë më parë nga Policia e Kosovës, përkatësisht Ministria e Punëve të Brendshme kundër aktiviteteve paralele postare. AKP ka dorëzuar provat e nevojshme te Policia e Kosovës se lokali në fjalë është në listën e aseteve të ndërmarrjes shoqërore “Trepça Komerce” dhe si i tillë bie në kompetencat e Agjencisë Kosovare të Privatizimit. Agjencia, në bazë të mandatit të saj ka për obligim të administroj apo lëshoj me qira të gjitha asetete e ndërmarrjeve shoqërore deri në momentin e privatizimit, përkatësisht likuidimit të NSh-së”, thuhet nga AKP.
E zëvendës drejtori i Policisë për rajonin e veriut, Veton Elshan ka konfirmuar asistimin e këtij aksioni për AKP-në.
Objekte ku vepronte Posta e Serbisë në veri të Kosovës janë mbyllur edhe muajt e fundit nga institucionet e vendit.
