Përmes një postimi në Facebook, Abazi ka postuar një fotografi nga mbrapa të deputetëve të opozitës dhe ka pyetur se “në interes të kujt janë duke vepruar?”, përcjell teve1.info
“Piskama e PDK, LDK dhe AAK në kuvend është qyqarllak dhe frikë nga progresi dhe suksesi i reformimit. Ata që e shkatrruan dhe e vjedhën dhe i falën tokën vetës po i druhen drejtësisë dhe po duan që të bllokojnë punën e Kuvendit. Ata që i mbajtën Serbisë zhagun sa ishin në pushtet sot duan të bllokojnë punën e institucioneve demokratike me legjitimitet qytetar pikërisht në momentin e avancimit të pozitës ndërkombtare të vendit. Kënd po e mbrojnë dhe kënd po e përfaqësojnë, në interes të kujt janë duke vepruar?”, ka shkruar ai.
Kuvendi është në pauzë deri në orën 12:30. Kjo pauzë erdhi pas zhurmës e fishkëllimave të deputetëve të opozitës, të cilët po protestojnë mosformimin e Komisionit Hetimor për energji.
Protesta e opozitës filloi sa e kishte fjalën deputeti i LVV-së Artan Abrashi, teksa vazhdoi njëjtë edhe për bashkëpartiakët e tij. /Teve1.info/
