Bahrije Kopalla motra e vogël e dëshmorit Ismet Krasniqi kujtoi vëllanë e saj dhe momentet e fundit që kishte me të para rënies së tij.
Pllaka përkujtimore u vendos pikërisht në ditën e lindjes së tij.
E në nderim të veprës së Ismet Krasniqi nuk munguan familjarët e dëshmorit.
Motra e vogël e tij, Bahrije Kopalla tregon momentet e fundit kur kishte folur me vëllaun e saj.
“Unë isha bashkë me të në demonstrata mirëpo atë ditë për fat, ka ardhë një ditë përpara u kthy më ka thënë nesër a shkon në studime thash po tha mi organizo krejt studentët, thash okej, tha unë po të them kështu, thash shihemi në demonstratë, edhe më nuk jemi parë këtu kam qenë por se kam pas fatin sikur ai të bie për këtë ditë që kemi ardh na”, tha Bahrije Kopalla.
Me lot në sy, Bahrija tregon se për vdekjen e Ismetit, nuk kishte pasur guxim t’u tregojë familjarëve.
“Kam ardhë të shtëpia por si kam tregu askujt. Kështu e kam mbajtur në vete sepse nuk e kam pas guximin të tregoj që Ismeti ka rënë. Kam kujtime shumë të mira me të e kam pasë jo vëlla por shok. Jam mundu edhe unë të shkojë në rrugën e tij por fati deshi që unë nuk rashë me të”, tha ajo.
Bahrije Kopalla kishte marrë pjesë në demonstrata të vitit 1989 kundër pushtuesve serbë bashkë me studentë të tjerë.
