I dyshuari për vrasjen e dyfishtë në Klinë mund të dënohet deri në burgim të përjetshëm për këtë vepër. Sipas avokatit Visar Rracaj, i dyshuari hyn në kategorinë madhore pasi i ka mbushur 19 vjeç, mirëpo ndryshe mendon avokati Zahir Hamza, pasi sipas tij i riu hyn në kategorinë madhor i ri dhe ende bënë pjesë në kodin për të mitur.
Para trupit gjykues të enjten doli si i dyshuar për vrasje të dyfishtë.
E veprat që po dyshohet se i ka kryer Jon Hoti janë “Vrasje e rëndë” dhe “Armëmbajtje pa leje”.
Për kryerjen e tyre, sipas ligjit dënimi minimal është 10 vjet ndërsa maksimal burgim i përjetshëm.
Sipas avokatit Visar Rrecaj, ky dënim vlen edhe për të dyshuarin pasi i njëjti i përket moshës madhore.
Mirëpo ndryshe thotë avokati, Zahir Hamza.
Hamza thotë se i dyshuari hyn në kategorinë madhor i ri dhe parashihet kodi për të mitur.
Jon Hoti dyshohet se të mërkurën pasdite me armë zjarri i mori jetën Rexhep dhe Albison Shlivovës në një lokal në sheshin e Klinës.
Njëri nga viktimat ndërroi jetë në vendin e ngjarjes, ndërsa tjetri rrugës për në Spitalin Rajonal të Pejës.
23 dhe 21 vjecari janë varrosur sot në fshatin Jashanicë të komunës së Klinës.
