Qeveria e Kosovës ka miratuar projektligjin kundër Shpëlarjes së Parave.
Kryeministri Kurti tha se me miratimin e këtij projektligji, Kosova përmbush kushtin për aplikim për anëtarësim në Zonën e Vetme të Pagesave Evropiane apo SEPA (Single Euro Payments Area).
Kurti ka thënë se anëtarësimi i Kosovës në këtë organziatë do të sjellë përftimet të shumta.
“Lufta jonë kundër krimit të organizuar, të nderuar kolegë, dhe kundër korrupsionit po fuqizohet me një ligj modern, që përcjellë standardet e Bashkimit Evropian kundër shpëlarjes së parave. Andaj, në rend të ditës sot, po ashtu e kemi aprovimin e Projektligjit kundër Shpëlarjes së Parave. Republika jonë kësisoj e përmbushë kushtin e fundit për aplikim për anëtarësim në Zonën e Vetme të Pagesave Evropiane apo SEPA (Single Euro Payments Area). Anëtarësimi i Kosovës në SEPA sjell përfitime të shumta për ekonominë tonë duke përfshirë lehtësimin e transferove ndërkombëtare e ndërbankare dhe uljen e kostove të atyre transaksioneve si për qytetarët ashtu edhe për bizneset. Sipas një studimi të “German Economic Team”, anëtarësimi në SEPA qytetarëve tanë ua kursen rreth 55 milionë euro në vit, të cilat ishin shpenzime të mëhershme të transfereve ndërbankare e ndërkombëtare të parave”, u shpreh Kurti.
