Regjimenti i Dytë i Këmbësorisë së Forcës së Sigurisë së Kosovës sot ka realizuar ushtrimin “Ujku i Çeliktë”. Detaje nga ky ushtrim na sjellë kronika në vazhdim.
Kështu po i përgjigjen një agresioni ushtarak.
Regjimenti i Dytë i Këmbësorisë së Forcës së Sigurisë së Kosovës po implementojnë operacionet mbrojtëse e sulmuese.
Për ndihmën ndaj tyre, ishin edhe njësia e minahedhësve.
Pasi lirohet terreni, vijnë edhe njësi tjera për të zbrapsur kërcënuesin e sigurisë.
Edhe këta, luftojnë me gjithë armatimin ndaj armikut.
Kështu edhe përfundoi ushtrimi fushor “Ujku i Çeliktë” që u mbajt të martën në poligonin ushtarak Babaj Bokës në Gjakovë.
Pjesë e trajnimit ishte edhe komandantja supreme, Vjosa Osmani bashkë me ministrin e mbrojtjes e përfaqësues nga shtetet tjera.
Aty ajo u njoftua për së afërmi me disa nga sistemet e armatimit që ka nën posedim ushtria e vendit.
Në kuadër të këtij ushtrimi, u shfaqën edhe disa armatime të sofistikuara bashkë me Regjimentin e dytë të Këmbësorisë.
E para ushtarakëve, Osmani u shpreh se me demonstrimin e Forcës, FSK është e gatshme t’i dalë zot vendit në çdo kohë.
“Ju sot me demonstrimin tuaj dëshmuat fuqishëm se pavarësia, integriteti territorial dhe sovraniteti i Republikës sonë mbrohen me ushtritë e saj, aftësinë e saj dhe kapacitetet operacionale dhe në ndërveprueshmëri të plotë me forcat aleate”, ka thënë presidentja, Osmani.
Kurse, kryeministri Kurti u shpreh se ky ushtrim është mburojë e vendit por edhe partner i besueshëm për paqen e sigurinë rajonale.
“Sot derisa ju shoh kështu të përkushtuar, të përgatitur e kaq të aftë dhe të gatshëm për ta mbrojtur atdheun, ju them me bindje të plotë se ju jeni frymëzim për të gjithë ne. Gjithashtu jeni garanci e pathyeshme se e ardhmja e Kosovës është në duar të sigurta. Për ushtrim, e në ushtrimin më të madh të NATO-s “Defender Europe 2025”, kësaj radhe jo vetëm si pjesëmarrës, por edhe si nikoqir, dëshmuam që po bëhemi gati me zell të madh e me disiplinë të lartë”, ka thënë Kurti.
Pas përfundimit me sukses të ushtrimit, pjesëtarët e këtij Regjimenti filluan këndimin, ku ndër to ishin edhe ato patriotike e për Ushtrinë Çlirimtare të Kosovës.
