Në një konferencë të përbashkët, Vuçiq u shpreh se janë për një kompromis me Kosovën dhe se do të bëjnë çmos për këtë, raporton Tanjug.
“Ne do të bëjmë çmos që të shkojmë drejt një zgjidhjeje kompromisi, të përpiqemi të gjejmë zgjidhje kompromisi, por ato nuk mund të jenë vetëm dëshirat tona, siç e tregon kjo fjalë qartë, për ne dhe të tjerët në dialog”, tha Vuçiq.
Duke folur për dialogun ndërmjet Beogradit dhe Prishtinës, Vuçiq tha se beson se “do të kemi forcë për të bërë përparim në atë dialog”, gjë që tha ai nuk ishte “e lehtë për ne” dhe tha se arsyet ia ka përcjellë kancelarit Scholz.
Ndërkaq, Scholz ka thënë vazhdimisht se është i bindur për të ardhmen evropiane të Ballkanit Perëndimor, që është një premtim shumë pozitiv dhe i rëndësishëm për të gjithë në Ballkanin Perëndimor dhe natyrisht për Serbinë.
