Anëtar i AAK-së, Daut Haradinaj ka reaguar ndaj deklaratës së ministrit të Mbrojtjes, Ejup Maqedonci, i cili ka thënë se raportimet për mungesë të ushqimit në FSK, janë nxitur nga individë që mbajnë lidhje me shërbime të huaja dhe kanë synim të cenojnë interesat e Kosovës.
Haradinaj ka thënë se ky është një konspiracion i Maqedoncit derisa ka bërë edhe një pyetje.
“E dëgjova pak ministrin Maqedonci dhe konspiracionet e tij. Cili shërbim ka mundur të shtyjë Gjeneral Bashkim Jasharin të paralajmërojë ndërprerjen e aktiviteteve të Ushtrisë nëse nuk e zgjidhni çështjen e furnizimit me ushqim të FSK-së?”, ka shkruar ai në Facebook.
Një nga çështjet që ka bërë bujë javëve të fundit është furnizimi dhe përgatitja e ushqimit të ushtarëve të FSK-së.
