Sa i përket kësaj, Qerkini në emisionin “Info Nata” në Tëvë1 ka thënë se zbatohet Kodi Penal që ka qenë në fuqi në kohën kur pretendohet se janë kryer veprat.
Ai thotë se ligji aktual parasheh mundësinë e dënimit me burgim të përjetshëm, ndërsa Kodi Penal i ish-Jugosllavisë me heqjen e dënimit me vdekje parasheh dënimin maksimal me 15 vite burgim.
“Edhe këtu është një çështje kontestuese juridike sepse vlen parimi i zbatimit të ligjit në kohë d.m.th zbatohet Kodi Penal që ka qenë në fuqi në kohën kur pretendohet se janë kryer veprimet. Kodi i mëvonshëm mund të zbatohet vetëm nëse është më i favorshëm për të pandehurin. Mirëpo ligji aktual e parashikon mundësinë e dënimit me burgim të përjetshëm. Mirëpo Kodi Penal i ish-Jugosllavisë me heqjen e dënimit me vdekje e parasheh dënimin maksimal me 15 vite burgim. Kjo i bie ligji i Dhomave të Specializuara bie ndesh me Kodin Penal në fuqi të asaj kohe dhe patjetër se duhet të zbatohet kodi i cili ka qenë në fuqi në kohën kur pretendohet se janë kryer veprat sepse ai është më i favorshëm për të pandehurit”, ka thënë Qerkini. /teve1.info/
