Figura të rëndësishme në institucionet shtetërore, kanë reaguar ashpër me gazetarët kur u përballën me pyetje që nuk iu shkuan shumë për shtati.
E këtë vit, një reagim të tillë e bëri Ministri i Punëve të Brendshme, Xhelal Sveçla, kur u pyet për punësimin e motrës së tij në një ministri.
E pyetjet e shumta nga gazetarët, si duket nuk i pëlqejnë as shefit të ekzekutivit, Albin Kurti.
“Herave tjera kur bëni pyetje e di që s’janë pyetje por pyetësor”.
Mirëpo Kurti nuk është kryeministri i parë që ka reaguar në këtë mënyrë me mediet.
E gjatë këtij viti, sulm verbal ndaj mediave pati edhe zotëriu i parë i vendit, Prindon Sadriu.
Sadriu sulmoi të gjitha mediet që publikuan shpenzimet e bashkëshortes së tij dhe njëherësh presidentes së vendit, Vjosa Osmani, që i kishte bërë për udhëtime për sa kohë ajo ishte deputete.
E kryetari i Komunës së Preshevës, Shqiprim Arifi, sic duket e ka kriter moshën e gazetarëve kur i bëjnë pyetje.
Kështu ishte përgjigjur në vitin 2018, kur u pyet se kush qëndron prapa idesë për një rezolutë në Kuvend që Kosovës t’i bashkohen tri komunat e Luginës së Preshevës.
E në raportin e vitit 2021 të Departamentit Amerikan të Shtetit për Kosovën, ndër të tjerash u përmendën kufizime serioze në lirinë e shprehjes dhe medies, duke përfshirë dhunën ose kërcënimet për dhunë gazetarëve.
Raporti i gazetares Fetije Kamberi.
