Deputetët kanë zënë vendin.
Kjo për shkak se në Kuvendin e Shqipërisë, pas pak atyre do t’u adresohet presidenti më i përfolur në ditët e fundit. E për këtë, të martën edhe të zgjedhurit e popullit, janë bërë gati. Para vetes secili prej tyre, ka nga një flamur të Ukrainës me një mbishkrim të qartë.
Paraqitjen e parë të presidentit ukrainas në parlamentin e Shqipërisë, e priten me duartrokitje. Ky i fundit, fillimisht ua uroi festën e Bajramit të Fitrit.
Ndërsa tutje kishte edhe një lutje për autoritetet shqiptare.
“Sado e vështirë të jetë, duhet të kufizohet tërësisht tregtia me Rusinë. Kërkoj t’i mbyllni portet për anijet ruse. Jam shumë mirënjohës për Shqipërinë. Që nga viti 2014, kur Rusia e filloi luftën në rajonin e Donbasit, OKB-ja ka blerë mallra së paku 2 miliardë e gjysmë dollarë. Kjo s’duhet të ndodhë. Së bashku jemi të përkushtuar për zgjerimin e një Evrope të bashkuar”, tha Zelensky.
E pas tij, fjalën e mori kryeministri i Shqipërisë, Edi Rama.
Ky i kujtoi Zelenskyt se lufta e fundit në Kosovë, i bën ta ndjejnë me afër dhimbjen e Ukrainës.
“Tërë Shqipëria dhe gjithë shqiptarët, përfshirë edhe Kosovën jemi rreshtuar krah jush me zemër, me mendje dhe me gjithçka kemi mundur. Shqipëria mund të jetë e vlefshme për Ukrainën me zërin e saj në tryezën e NATO-s apo në Këshillin e Sigurimit të Kombeve të Bashkuara”, tha Rama.
Ndërkohë analisti politik nga Shqipëria, Bledian Koka,thotë se kërkesat e Zelenksyt drejt shtetit shqiptar, janë të arsyeshme.
Ky adresim i Zelenskyt, u bë pasi që edhe Shqipëria është rreshtuar me Bashkimin Evropian dhe NATO-n, në mbështetjen e Ukrainës.
Raporti i gazetarit Fidan Zejnullahu.
