Raporti i progresin për Kosovën për vitin 2024 i publikuar nga Komisionin Evropian, ka përmendur disa shkelje dhe vonesa ligjore për Kuvendin e Kosovës.
Në raport theksohet mosmiratimi i pikave dhe bartja e tyre në seanca, duke përfshirë edhe mosmiratimin e disa marrëveshjeve ndërkombëtare.
Aty është përmendur edhe bojkoti i deputetëve të Listës Serbe.
“Kuvendi ka shpërfillur afatet procedurale për miratimin e 18 ligjeve dhe ka humbur afatet e përcaktuara nga Gjykata Kushtetuese për rishikimin e ligjeve. Anëtarët e Parlamentit nga Lista Srpska vazhduan të bojkotojnë punën e Kuvendit, duke zvogëluar më tej aftësinë e tij për të miratuar legjislacionin dhe miratimin e amendamenteve kushtetuese”, thuhet në raport.
Në raport është theksuar se refuzimi në përgjigjet e deputetëve nga radhët e kabinetit qeveritar dobësoi rolin e Kuvendit
“Refuzimi i qeverisë për t’iu përgjigjur pyetjeve parlamentare dobësoi ndjeshëm rolin mbikëqyrës të Kuvendit. Kuvendi ka mbetur i ngadalshëm në shqyrtimin e raporteve vjetore të agjencive të pavarura; një duzinë prej tyre janë nën shqyrtim që nga viti 2022”, thuhet në raport.
Aty është përmendur edhe formimi i disa Komisioneve Hetimore ku theksohet se “Kuvendi nuk ishte në gjendje t’i përdorte ato në mënyrë efektive”./teve1.info/
