Për 17 vende më mirë është pozicionuar Kosova në Indeksin e Lirisë së Shtypit Botëror të publikuar nga Reporterët pa Kufij. Nga pozita e 78 ku gjendej në raportin e vitit të kaluar, tashmë Kosova gjendet në vendin e 61.
Në raportin për Kosovën të publikuar në Ditën Ndërkombëtare të Lirisë së Shtypit, megjithatë Reporterët Pa Kufij vlerësojnë se gazetarët janë rregullisht në shënjestër të sulmeve politike.
Sipas Pranvera Behlulit, anëtare e Bordit të Asociacionit të Gazetarëve t Kosovës (AGK) shqetësim kryesor për gazetarët mbetet mostransparenca e denigrimet që i bëhen gazetarëve nga eksponentë qeveritarë.
“Kërkesat dhe ankesat më të shumta njëkohësisht koëhve të fundit janë mostransparenca e Qeverisë dhe ministrive në drejtim të medieve. Ata kërkojn shumë shpesh përgjigje bazike për temat e ndryshme të shoqërisë tonë dhe nuk marrin përgjigje. [2:30]. Shqetësuese mbetet përveç mostransparencës dhe mosbashkëpunimimit, edhe gjuha denigruese e përdorur sidomos nga ata që janë në pushtet drejt gazetarëve dhe medieve”, tha ajo.
Megjithatë, sipas profesorit Safet Zejnullahu, mediat në përgjithësi, por me theks të veçantë ato online, duhet të ngritin profesionalizmin, pasi pretendon se ka lëshime elementare.
“Ne duhet të kemi parasysh që një media nuk mund të funksionojë pa redaktorë dhe unë mendoj që në media online si në Kosovë e gjithkund e shpëton dora e redaktorit. Neve po na ndodhin gabime elementare në media”, tha Zejnullahu.
Ndërkohë Ambasada Amerikane përmes një komunikate të martën ka shprehur përkrahjen për gazetarët dhe të gjithë ata që e rrezikojnë jetën e tyre për të vërtetën. Teksa ambasadori i BE-së në Kosovë, Tomas Szunyog u ka kërkuar institucioneve që t’i përmirësojnë përgjigjet e tyre ndaj sulmeve ndaj medieve.
Ndryshe, edhe Departamenti Amerikan i Shtetit në raportin e përvjetshëm të saj konstatoi se disa politikanë u përpoqën t’i frikësonin përfaqësuesit e medias.
Raporti i gazetarit Gojart Jashari.
