Xërxa në emisionin “Ditari” në Tëvë1, ka thënë se si shoqëri kemi mbetur të mbyllur, duke mos pasur rinia perspektivë të komunikimit me shoqëritë e avancuara evropiane. Dhe kjo sipas tij, krijon hendek apo traumë të moskomunikimit të aspektit psikologjik.
“Numri i armëve të sekuestruar është gjithnjë në rritje e sipër, pastaj sekuestrimi i substancave narkotike, kërcënimet e ndryshme dhe disa sjellje tjera kriminale apo devijuese siç raportohen në shoqërinë tonë janë indikator që tregojnë se aspekti i sigurisë nuk është aq i favorshëm në rrethanat tona. Bashkangjitur aspektin tjetër politik, ne si shoqëri jemi mbetur e mbyllur duke mos pasur rinia një perspektiv të komunikimit me shoqëritë e avancuara të marrin mësime apo stile të menduarit të jetesës e shumë sferave tjera të afirmimit të tyre, krijon njëfarë hendeku apo traume të mos komunikimit të aspektit psikologjik”, tha ai.
Xërxa po ashtu tha se ky aspekt psikologjik thuajse që dy-tri vite me pandeminë apo krizat ekonomike që po shfaqen në shoqërinë tonë janë njëfarë forme si disa parakushte se njeriu ka nevoja dhe kërkesa të ndryshme qofshin sociale apo të ekzistencës. Prandaj, ai vlerërson se duke mos arritur t’i marrin në mënyrë ligjore, personat e caktuar do të gjejnë edhe mënyra tjera, ndoshta jo ligjore për të arritur te përmbushja e kërkesave të tyre.
Sipas Xërxës, aspekti socio-ekonomik, kushtet jo të favorshme, krijon bazament për rritjen e sjelljeve devijuese apo kriminale.
“Aspekti socio-ekonomik në këtë rast është më rëndësi. Duke ditur që rinia duke dëshiruar të shtegtojë në vise evropiane, duke u ankuar për papunësi të madhe dhe shumë detyrime të tjera, dhe kushte jo të favorshme atëherë këto në një farë forme e krijon një farë bazamenti për rritjen e kushteve jo të mira dhe sjelljeve devijuese apo kriminale”, tha Xërxa. /teve1.info.
