Gjykata e Apelit të Kosovës ka kthyer në rigjykim rastin ku nipi kishte vrarë xhaxhain e tij në Kijevë të Malishevës më 28 prill të vitit 2023.
Në komunikatën e kësaj Gjykate bëhet e ditur se është anuluar aktgjykimi i Gjykatës Themelore në Gjakovë-Departamenti për Krime të Rënda, të dt.18.06.2024, pas ankesave të të Prokurorisë Themelore në Gjakovë–Departamenti për Krime të Rënda, përfaqësuesit të autorizuar të palëve të dëmtuara, S.A. dhe O.B., av.Ismet Tofaj, si dhe mbrojtësit së të akuzuarit B.B., av.Nuhi Krasniqi.
I akuzuari për këtë rast ishte dënuar me 21 vjet burgim.
Ai me aktë vendim të posaçëm të gjykatës me aktvendim të posaçëm do të mbetët në paraburgimi.
Gjykata ka thënë se aktgjykimi i datës 18.06.204 përmban shkelje esenciale.
Në arsyetim të aktgjykimit, gjykata e shkallës së dytë ka vlerësuar se, aktgjykimi i ankimuar përmban shkelje esenciale të dispozitave të procedurës penale, si dhe shkelje të tjera të cilat kushtëzojnë anulimin e tij. Kjo gjykatë, pas vlerësimit të të gjitha ankesave të ushtruara dhe sipas detyrës zyrtare ka ardhur në përfundim se çështja penale e cila gjykohet, e sidomos nxjerrja e aktgjykimit apo aktvendimit, gjithmonë duhet të jenë në harmoni me dispozitat ligjore nga neni 384 paragrafi 2 pika 2.7 lidhur me nenin 369 të KPPK, ngase aktgjykimi i nxjerrë, duhet të jetë i kuptueshëm, i qartë dhe në harmoni me vetveten, si dhe pjesë tjera të aktgjykimit, për tu dhënë arsye lidhur me faktet vendimtare të cilat e karakterizojnë veprën penale e cila i vihet në barrë të akuzuarit. Gjithashtu, nga shkresat e lëndës, kolegji gjykues ka vlerësuar se në këtë çështje penale nuk është bërë rekonstruimi i vendit të ngjarjes, për të vërtetuar se cilat kanë qenë veprimet e ndërmarra nga ana e të akuzuarit për të kryer veprën penale, që është obligim që të vërtetohen të gjitha pjesët e aktgjykimit, pastaj propozimet e ngritura nga ana e palëve të vendoset që të janë prezent në gjykim, e po ashtu edhe të zbatohen dispozitat ligjore, duke u respektuar të drejtat e të gjitha palëve në procedurë, dhe të krijohen kushte që gjithnjë çështja e sjellë për gjykim të gjykohet tërësisht”, thuhet në arsyetimin e Apelit.
Ndër tjerash, sipas komunikatës kolegji gjykues ka vlerësuar se aktgjykimi i gjykatës së shkallës së parë, është përfshirë në shkelje esenciale të dispozitave të procedurës penale, të cilat kanë ndikuar edhe në vërtetimin e gabuar dhe jo të drejtë të gjendjes faktike, e që të dy këto shkelje kanë ndikuar në shkeljen e ligjit penal, sepse gjykata e shkallës së parë nuk ka arritur që të vërtetoj elementet e veprës penale e cila i vihet në barrë të akuzuarit, për të arsyetuar ekzistimin apo mos ekzistimin e veprës penale të përshkruar sikurse në pikën I të dispozitivit të aktgjykimit, andaj ka ardhur në përfundim se në këtë çështje penale duhet të nxirret vendim sa më i drejtë, duke e anuluar aktgjykimin në fjalë dhe ia kthyer gjykatës së shkallës së parë të njëjtën çështje në rigjykim e vendosje./teve1.info/
Prokuroria jep detaje, 60-vjeçari në Malishevë dyshohet se u qëllua për vdekje nga nipi i tij
