Dy zjarrfikës dhe një i moshuar kanë përfunduar në spital me shenja asfiksie pas zjarrit për përfshiu katin zero të një pallati në Lezhë, teksa tymi u përhap në të gjitha katet.
Ata po marrin ndihmën mjekësore dhe ndodhen jashtë rrezikut për jetën, ndërsa banorët e tjerë kanë dalë nga shtëpitë dhe po qëndrojnë jashtë deri sa tymi të pastrohet plotësisht.
Nga informacionet paraprake, zjarri u shkaktua në kabinën elektrike që ndodhet në katin zero dhe i gjithë pallati u mbush më pas me tym. Për pasojë të gjithë banorët janë larguar nga banesat e tyre dhe kanë dalë jashtë, ndërsa zjarrfikëset kanë mundur që të shuajnë flakët në kabinë.
