SS Lazio po përgatitet për një revolucion në merkaton e kësaj vere.
Ndryshimi për bardhekaltrit do të nisë nga porta, aty ku si Strakosha, ashtu edhe Reina, do i thonë lamtumirë klubit kryeqytetas. Portieri shqiptar nuk ka zgjedhur të rinovojë me Lacion dhe në verë do të jetë lojtar i lirë. Në krahun tjetër, Reina ka të drejtën e rinovimit për një tjetër sezon, por me shumë mundësi do të zgjedhë të mbyllë karrierën e tij në Spanjë.
Igli Tare e ka projektuar tashmë në mendjen e tij zëvendësuesin në portën e Lacios. Bëhet fjalë për Serxho Rikon. Kartoni i këtij të fundit zotërohet nga PSG-ja, por aktualisht luan i huazuar në La Liga me fanellën e Majorkës
