Pritje e kolonë për të shkuar në parkun e Gërmisë.
Edhe këtë 1 maj qytetarëve po u kufizohet lëvizja.
Sipas vendimit të Komunës, Policia e Kosovës po ndalon të gjithë qytetarët që destinacion kanë parkun e Gërmisë. Përveç banorëve të kësaj zone asnjë qytetari nuk i lejohet të shkojë në këtë drejtim. Kjo gjë ka shkaktuar tollovi dhe pritje të gjata.
Po pavarësisht kësaj, Parku i Gërmisë është thuajse i zbrazët.
Të dielën nuk u pa frymë feste.
Qytetarët thanë që nuk është çudi një gjendje e tillë duke pas parasysh gjendjen aktuale ekonomike.
Madje edhe një shitës i rregullt këtu thotë se nuk i ka rastisur të shoh Gërminë bosh për një maj.
Për dallim nga herët e tjera, këtë vit 1 maji nuk u festua si viteve të kaluara në Parkun Nacional të Gërmisë. Kjo gjë po vërehet në rrugë e madje edhe në të vetmin mjet transporti që lejohet të hyjë në zonat e Parkut të Gërmisë.
Raporti i gazetares Valëza Sylejmani.
