‘’I kam gishtat e dorës se më ka pasë ra ajo pllaka e djegne kështu me flakë, t’u u mundu me lëshu me hidranta me e shu zjarrin’’, tha Hakif Sylejmani, punëtori i QKUK-së, i cili këto pasoja i bartë akoma. Madje ai thotë se nuk ka pasur as sigurim në vendin e punës.
‘’Jam lëndu në vend të punës e kurrgjë s’kam pasë sigurim.’’
E pikërisht për shkak të mungesës së sigurisë , kryetari i Sindikatës së Sektorit Privat Jusuf Azemi deklaroi që tashmë kemi arritur numrin rekord të vdekjeve të punëtorëve në vendin e punës.
“Përderisa në vitet e kaluara kemi pasë 4 deri në 5 raste të vdekjes deri në periudhën në fund të prillit, në këtë vit 9 raste i kemi vetëm katër mujorin e parë që fatkeqësisht është një numër rekord i vdekjeve të rasteve në punë”, ka thënë Azemi.
Edhe qytetarët shprehin pakënaqësitë e tyre lidhur me kushtet e punës në sektorin privat.
Në Ditën Ndërkombëtare të Punës, më 1 maj, në vendin tonë u zhvilluan dy protesta, me anë të së cilave u kërkuan kushtet e duhura të punës.
Raporti i gazetares Albiona Hajdari.
