11 persona u lënduan si pasojë e një aksidenti zingjiror në Veternik të Prishtinës. Një kamion dyshohet se humbi kontrollin e drejtimit dhe doli në kahjen tjetër, duke goditur 11 automjete të tjera. Tetë prej të lënduarve morën tretman mjekësor, derisa gjendja e tyre është stabile.
Një kamion humbi drejtimin dhe doli në drejtimin tjetër të rrugës, duke goditur 11 automjete të tjera.
Nga ky aksident zingjiror në Veternik të Prishtinës, të lënduar mbetën 11 persona, një pjesë e të cilëve u trajtuan në QKUK.
Në vendin e ngjarjes menjëherë dolën policia dhe zjarrfikësit.
“Sot rreth orës 14:30 kemi pranuar informatën se në Veternik ka ndodhë një aksident trafiku. Në këtë aksident kanë qenë të përfshirë një kamion dhe 11 automjete. Me rastin po merret hetuesia nga njësiti i trafikut rrugor””, ka thënë Zëdhënsja e Policisë së Kosovës, Flora Ahmeti.
Si rezultat i këtij aksidenti, u krijuan kolona kilometërshe në hyrje dhe dalje të kryeqytetit.
Kjo situatë vazhdoi për orë të tëra.
E për zhbllokim të komunikacionit, u përdorën rrugë alternative për automjete.