“Për të qenë ironia më e madhe ajo Qendra për të Drejtat e Njeriut e Natazha Kandiqit e cila e ka degën këtu në Kosovë, ka bërë punë shumë shumë më të madhe dhe ende punon dhe ne jemi në këtë gjendje. Kjo është e pafalshme”, tha Salihu.
Profesori Salihu i akuzoi politikanë të cilët ishin në krye të qeverisë për 20 vite, duke thënë se për shkak të neglizhencës dhe mospunës së tyre Serbia ka marrë primatin duke u prezantuar në opinionin ndërkombëtar si viktimë ndërsa realiteti ishte e kundërta.
“Për shkak të neglizhencës tonë e posaçërisht të atyre që kanë qenë ne krye të qeverisë në këto 20 vite e mëparshme për shkak të mospunës dhe mosangazhimit të tyre Serbia merr primatin në këtë aspektin shumë të ndjeshëm dhe në një mënyrë që gati ajo është shndërruar, është prezantuar në opinionin ndërkombëtar si viktimë ndërsa realiteti ishte e kundërta. Kosova nuk shkoj për t’i sulmuar serbët atje në Serbi por ushtria, policia e Serbisë erdhi në Kosovë dhe bëri ato krime masakra etj”, tha ai në emisionin “ResPublika” në Tëvë.
Salihu tutje theksoi se “pikërisht për shkak të mos punës tonë për shkak të mos angazhimit mjerisht ndodhi madje edhe kjo më e keqja që ish liderët e Ushtrisë Çlirimtare të Kosovës tani gjenden në përballje të drejtësisë për kinse krimet e kryera në Kosovë gjatë luftës e sidomos gjatë luftës”.
