Asociacioni i Gazetarëve të Kosovës (AGK) ka njoftuar se gazetari Vehbi Kajtazi është kërcënuar me jetë.
Kjo, sipas AGK-së është bërë përmes një mesazhi në llogarinë e tij në Facebook,”.
“AGK kërkon nga autoritetet përgjegjëse dhe organet e rendit të Republikës së Kosovës që të ofrojnë siguri për gazetarin Kajtazi dhe që ta trajtojnë me urgjencë kërcënimin që ai ka marrë mbrëmjen e 8 tetorit, përmes një mesazhi në llogarinë e tij në “Facebook”, thuhet në reagimin e AGK-së.
AGK bën të ditur se ka kontaktuar me gazetari Kajtazi dhe i njëjti tashmë ka njoftuar autoritetet përgjegjëse lidhur me kërcënimin serioz që ka marrë.
AGK kërkon nga Policia e Kosovës që të reagojë shpejt për lokalizimin e kërcënuesit në mënyrë që të evitohet çfarëdo rreziku për jetën e gazetarit Vehbi Kajtazi.