Ambasada e Italisë e ka mirëpritur vendimin e Qeverisë për largimin e masës ndaj mallrave serbe.
Nga kjo ambasadë thuhet se kjo lëvizje është kyçe për integrimin rajonal, të parashikuar nga Procesi i Berlinit.
“Italia është e kënaqur që sheh Qeverinë e Kosovës duke hapur pikëkalimin në Merdar për mallrat nga Serbia. Është lëvizje kyç për integrimin rajonal të parashikuar nga Procesi i Berlinit dhe një hap më afër integrimit në BE i inkurajuar nga Plani i Rritjes”, thuhet në reagimin e ambasadës në platformën “X”.
Këtë vendim që Qeveria e Kosovës e ka marrë që ta zëvendësojë masën e sigurisë për mallrat serbe e kanë mirëpritur edhe nga BE-ja. /teve1.info/
