Shefi i Grupit Parlamentar të PDK-së, Abelard Tahiri, ka njoftuar se seanca e radhës e Kuvendit do të mbahet të enjten.
Në një konferencë për media pas mbledhjes së Kryesisë së Kuvendit, Tahiri ka bërë të ditur se në rend të ditës janë pikat e njëjta, përfshirë votimi i marrëveshjeve ndërkombëtare.
Tahiri theksoi se Partia Demokratike e Kosovës do t’i votojë marrëveshjet Ndërkombëtare konform qëndrimeve të tyre, por sipas tij, do të jetë e vështirë që këto projektligjet të kalohen në Kuvendin e Kosovës sepse siç tha ai ‘ka shthurje të madhe brenda Grupit Parlamentar të Lëvizjes Vetëvendosje sa i përket numrave dhe shumicës së tyre në Kuvend, raporton teve1.info
“Sa i përket seances që do të mbahet në ditën e enjte do të jetë vazhdim, do tëj etë seances e cila ishte e papërfunduar para dy jave të enjten e kaluar.. ju e dini që tash dy seacna sesioni vjeshtor nuk po arrin të fillloj në Kuvendin e Kosovës për shkak të mungesës së numrave nga mazhoranca në këtë rast, nga Lëvizja Vetëvendosje, qëndrimet e PDK-së sa i përket këtyre pikave janë të njëjta ne do t’i votojmë marrëveshjet ndërkoombëtare konform qëndrimeve tona qysh e kemi deklaruar edhe më herët” – deklaroi Tahiri.
“Duket që do të jetë vështirë të kalohen këto projektligje se tashmë duket që ka një shthurje kogja të madhe brenda Grupit Parlamentar të Lëvizjes Vetëvendosje sa i përket numrave dhe shumicës së tyre në Kuvendin e Kosovës.” – shtoi ai.
Shefi i deputetëve të PDK-së, tutje foli edhe për kritikat e kryeministrit Albin Kurti, ku tha se “nuk duhen të merren seriozisht çfarë thotë Kurti”.
“Në këtë periudhë nuk duhet të merret asgjë shumë seriozisht çka deklaron Kurti. Ai është në një fushatë zgjedhore, është në përfundim të mandatit, tash duhet me pas parasysh sikletin dhe presionin që ka në këtë periudhë sepse nuk po arrin të përfundoj asnjë projekt”, tha Tahiri.
“Kurti mundohet zërat kritikë ti mbys për shkak se nuk donë të diskutohet rreth punës dhe qeverisjes së tij”, tha Tahiri.
Deputeti i PDK-së, tutje foli edhe për procesin e CEFTA-s, ku fajësoi Qeverinë për paaftësi.
“Ne kemi mbërri në një pikë ku Kosovës po i rrezikohet pjesëmarrja tutje, për shkak të paaftësisë së saj për t’i implementuar zotimet dhe detyrimet që dalin nga kjo marrëveshje. Shpresojmë që komuniteti ndërkombëtar ta ndalin shtimin e sanksioneve ndaj vendit tonë”, tha Tahiri
