Në Gjakovë një person është gjetur pa shenja jete në vendin e tij të punës.
Policia ka bërë të ditur se ekipi mjekësor ka konstatuar vdekjen e viktimës në vendngjarje, ndërsa trupi i pajetë është dërguar në Institutin e Mjekësisë Ligjore (IML) për obduksion me urdhër të prokurorit, raporton teve1.info
Shkaqet e vdekjes pritet të zbardhen pas përfundimit të hetimeve dhe obduksionit.
“Gjakovë / 06.10.2024 – 12:24. Është raportuar se viktima mashkull kosovar ishte gjetur pa shenja jete në vendin e tij të punës. Vdekjen e viktimës e ka konstatuar ekipi mjekësorë në vendin e ngjarjes. Trupi i pajetë i viktimës me urdhër të prokurorit është dërguar në IML për obduksion.” – thuhet në raport.