Presidentja e Kosovës, Vjosa Osmani ka udhëtuar për në Francë, ku me ftesë të presidentit francez Emmanuel Macron do të përfaqësojë e Kosovës në Samitin e krerëve shtetëror të Frankofonisë.
Sipas komunikatës së Presidencës, Osmani do të ketë takime me homologë të saj si dhe një adresim në një nga seancat e Frankofonisë.
“Gjatë qëndrimit në Paris, Presidentja Osmani do të ketë adresim në një nga seancat e Frankofonisë, gjersa do të takojë edhe homologë të saj. Presidentja dhe Zotër i Parë janë ftuar në darkën zyrtare të shtruar nga Presidenti Macron në Pallatin Élysée, në drekën zyrtare të shtruar nga Sekretarja e Përgjithshme e Frankofonisë, si dhe në një sërë aktivitetesh përcjellëse në kuadër të Samitit”, thuhet nga Presidenca.
Ky samit mbledhë krerët e shteteve anëtare, anëtarë të asociuar, anëtarë vëzhgues, përfaqësues të organizatave të ndryshme ndërkombëtare dhe të ftuar te tjerë.
Edhe ministrja e Jashtme Donika Gërvalla do të jetë pjesëmarrëse në konferencën e 45-të Ministrore të Frankofonisë.
