Rrjeti i OJQ-ve AVONET ka shprehur shqetësimin me Komunën e Ferizajt, në lidhje me nënshkrimin e kontratës me operatorin ekonomik që sipas tyre ka të dënuar përqafësuesin e saj në prokurorim publik.
Përmes një komunikate për media, AVONET ka bërë të ditur se dyshon se përfaqësuesit e këtij grupit të operatorëve ekonomik të përfaqësua nga Bledar Krasniqi (GËRLICA – COMPANY) dhe Albion Vogliqi (GËRLICA – COMPANY) kanë bërë veprime të kundërligjshme të cilat janë të sanksionuara me ligjet pozitive të Kosovës, për faktin se kanë mashtruar Komunën e Ferizajt duke nënshkruar deklaraten nën betim dhe duke e shkelur Ligjin mbi Prokurimin Publik në Kosovë si dhe Kodin Penal të Republikës së Kosovës
Deklarimi i plotë për media;
𝐊𝐨𝐦𝐮𝐧𝐚 𝐞 𝐅𝐞𝐫𝐢𝐳𝐚𝐣𝐭 𝐧𝐞̈𝐧𝐬𝐡𝐤𝐫𝐮𝐚𝐧 𝐤𝐨𝐧𝐭𝐫𝐚𝐭𝐞̈ 𝐦𝐞 𝐯𝐥𝐞𝐫𝐞̈ 𝟏,𝟖𝟑𝟖,𝟔𝟕𝟓.𝟎𝟎 𝐞𝐮𝐫𝐨 𝐩𝐞̈𝐫 𝐨𝐩𝐞𝐫𝐚𝐭𝐨𝐫𝐢𝐧 𝐞𝐤𝐨𝐧𝐨𝐦𝐢𝐤 𝐪𝐞̈ 𝐤𝐚 𝐭𝐞̈ 𝐝𝐞𝐧𝐮𝐚𝐫 𝐩𝐞̈𝐫𝐟𝐚𝐪𝐞̈𝐬𝐮𝐞𝐬𝐢𝐧 𝐞 𝐬𝐚𝐣 𝐩𝐞̈𝐫 𝐦𝐚𝐬𝐡𝐭𝐫𝐢𝐦 𝐧𝐞̈ 𝐩𝐫𝐨𝐤𝐮𝐫𝐢𝐦 𝐩𝐮𝐛𝐥𝐢𝐤
Rrjeti i OJQ-ve AVONET e ka monitoruar dhe hulumtuar aktivitetin e prokurimit të Komunës së Ferizajt në lidhje me tenderin e titulluar “Asfaltimi i rrugës Pleshine-Kashtanjeve” (nr. prokurimit: 656-23-13993-5-1-1). Ky tender, me një vlerë prej 1,838,675.00 euro, iu dha Grupit të Operatorëve Ekonomik GËRLICA – COMPANY SH.P.K. dhe IPN GROUP SH.P.K., të përfaqësuar nga Bledar Krasniqi dhe Albion Vogliqi, ku gjatë hulumtimit kemi identifikuar se në dosjen e tenderit janë dokumentet, listat e kontratave të nënshkruar nga z. Mifail Vogliqi dhe Licenca e shfrytëzimi me nr. 2097/KPMM/2020 që ka kohëgjatje deri 01.07.2036 dhe Leje për aktivitetet e veçanta me nr. 775/KPMM/2019, ku kjo ka kohëgjatje deri me 07.112024, e lëshuar si pronar i OE “GËRLICA – COMPANY” sh.p.k. Këto dokumente kanë plotësuar kriteret e dosjes së tenderit, duke i dhënë të drejtë grupit të operatorëve ekonomik që të fitojë këtë tender (aktivitet të prokurimit).
- Mifail Vogliqi ka një aktgjykim të formës së prerë nga GJYKATA THEMELORE NË GJILAN – Departamenti i Krimeve të Rënda, me nr PKR.nr.125/2021 dhe numrin e lëndës: 2021:119771 të datës 02.08.2021, përmes së cilës është shpallur fajtor për kryerjen e veprës nga neni 415 i KPRK-së, në cilësi të pronarit të operatorit ekonomik “Gerlica Company” – SHPK me seli në fshatin Babush, të Komunës së Ferizajt, me vetëdije të plotë ka shkelur rregullat e Ligjit për Prokurim Publik, me qëllim të mashtrimit në procedurat e prokurimit publik dhe ndikimit tek autoriteti kontraktues, në atë mënyrë që ka paraqitur dokumentcion të rremë, e që me këto veprime ka kryer veprën penale keqpërdorimi dhe mashtrimi në prokurim publik nga neni 415 paragrafi 1. të Kodit Penal të Republikës së Kosovës ( në tekstin e mëtutjeshëm KPRK-s ) dhe është denuar.
Poashtu KRPP-ja ka dhënë intepretimit me datën 22.11.2022, ku thuhet që sipas paragrafit 3 nën paragrafëve 3.1-3.6 të nenit 65 të LPP-së të lartë cituar, asnjë Operator Ekonomik, drejtues, menaxher ose drejtor i saj nuk ka të drejtë të marrë pjesë në një aktivitet të prokurimit ose ekzekutim të kontratës në çoftë se i njëjti është shpallur fajtorë nga ndonjë gjykatë kompetente gjatë 10 viteve të kaluara nga data e publikimit të Njoftimit për Kontratë, ose dërgimit të ftesës për pjesëmarrje për njërën nga veprat penale apo civile të përcaktuara me këtë nen.
Meqenëse sipas nenit 65 të LPP-së, Operatori Ekonomik (ndonjë punonjës, drejtues, menaxher ose drejtor i OE) nuk ka të drejtë të marrë pjesë në një aktivitet prokurimi ose të marrë pjesë në ekzekutimin e kontratës, atëherë kjo duhet të kuptohet se edhe nëse një OE shpallet fajtor pas datës së publikimit të Njoftimit për Kontratë, i njëjti nuk mund të shpallet fitues dhe të nënshkruaj kontratën sepse i njëjti nuk mund të marrë pjesë në ekzekutimin e kontratës. Por kjo duket se nuk ka qenë e rëndësishme për operatorin ekonomik në fjalë.
AVONET dyshon se përfaqësuesit e këtij grupit të operatorëve ekonomik të përfaqësua nga Bledar Krasniqi (GËRLICA – COMPANY me nr. unik 810305616 ) dhe Albion Vogliqi (GËRLICA – COMPANY, me nr. unik 812025030) kanë bërë veprime të kundërligjshme të cilat janë të sanksionuara me ligjet pozitive të Republikës së Kosovës, për faktin se kanë mashtruar Komunën e Ferizajt duke nënshkruar deklaraten nën betim dhe duke e shkelur Ligjin mbi Prokurimin Publik në Kosovë (Ligji Nr. 04/L-042), si dhe Kodin Penal të Republikës së Kosovës (Ligji Nr. 06/L-074, neni 415 dhe neni 383), ku me rastin e ofertimit nuk e kanë njoftuar Autoritetin Kontraktues se Mifail Vogliqi është i denuar, sepse listat e kontratave të nënshkruar nga z. Mifail Vogliqi dhe Licencë shfrytëzimi me nr. 2097/KPMM/2020 që ka kohëgjatje deri 01.07.2036 dhe Leje për aktivitetet e veçanta me nr. 775/KPMM/2019, ku kjo ka kohëgjatje deri me 07.112024, e lëshuar si pronar i OE “GËRLICA – COMPANY” sh.p.k. Këto dokumente kanë plotësuar kriteret e dosjes së tenderit, duke i dhënë të drejtë grupit të operatorëve ekonomik që të fitojë këtë tender.
AVONET kërkon që organet kompetente nga Prokuroria e Shtetit dhe Policia e Kosovës të ndërmarrin veprime hetimore urgjente lidhur me të gjeturat tona. Gjithashtu, kërkojmë që Komuna e Ferizajt të anulojë këtë kontratë të dyshimtë dhe të iniciojë procedurat për përgjegjësinë ligjore siç parasheh LPP.
𝗧𝗿𝗮𝗻𝘀𝗽𝗮𝗿𝗲𝗻𝗰𝗮 𝗱𝗵𝗲 𝗹𝗹𝗼𝗴𝗮𝗿𝗶𝗱𝗵𝗲̈𝗻𝗶𝗮 𝗱𝘂𝗵𝗲𝘁 𝘁𝗲̈ 𝗺𝗯𝗲𝘁𝗲𝗻 𝗽𝗮𝗿𝗶𝗺𝗲 𝘁𝗵𝗲𝗺𝗲𝗹𝗼𝗿𝗲 𝗻𝗲̈ 𝘁𝗲̈ 𝗴𝗷𝗶𝘁𝗵𝗮 𝗻𝗶𝘃𝗲𝗹𝗲𝘁 𝗲 𝗾𝗲𝘃𝗲𝗿𝗶𝘀𝗷𝗲𝘀. 𝗞𝗲̈𝘁𝗼 𝘃𝗲𝗽𝗿𝗶𝗺𝗲 𝗷𝗮𝗻𝗲̈ 𝘀𝗵𝗸𝗲𝗹𝗷𝗲 𝘁𝗲̈ 𝗿𝗲̈𝗻𝗱𝗮 𝗾𝗲̈ 𝗱𝗲̈𝗺𝘁𝗼𝗷𝗻𝗲̈ 𝗯𝗲𝘀𝗶𝗺𝗶𝗻 𝗱𝗵𝗲 𝘁𝗿𝗮𝗻𝘀𝗽𝗮𝗿𝗲𝗻𝗰𝗲̈𝗻 𝗻𝗲̈ 𝗽𝗿𝗼𝗰𝗲𝗱𝘂𝗿𝗮𝘁 𝗲 𝗽𝗿𝗼𝗸𝘂𝗿𝗶𝗺𝗶𝘁 𝗽𝘂𝗯𝗹𝗶𝗰, 𝗮𝗻𝗱𝗮𝗷 𝘀𝗶𝘁 𝗲̈ 𝘁𝗶𝗹𝗹𝗮 𝗱𝘂𝗵𝗲𝘁 𝘁𝗲̈ 𝗻𝗱𝗲̈𝗿𝗽𝗿𝗲𝗵𝗲𝗻 𝗱𝗵𝗲 𝗽𝗮𝗿𝗮𝗻𝗱𝗮𝗹𝗼𝗵𝗲𝗻 𝘀𝗮 𝗺𝗲̈ 𝘀𝗵𝗽𝗲𝗷𝘁.
