Ambasadori britanik, Jonathan Hargreavas, ka deklaruar se Britania e Madhe vazhdon të kërkojë që autorët e këtij sulmi, përfshirë Milan Radoiçiq të kapen dhe të sillen para drejtësisë.
Hargreaves, po ashtu ka përgëzuar Policinë e Kosovës për veprimet e tyre të një viti më parë për vendosjen e rendit si dhe prokurorët e Kosovës për ngritjen e aktakuzës.
“Sot bëhet një vit nga vrasja e policit Afrim Bunjaku dhe ngjarjet tronditëse që ndodhën në Banjskë. I bëj nder profesionalizmit dhe trimërisë së Policisë së Kosovës për veprimin e tyre për të rivendosur rendin më 24 shtator 2023 dhe prokurorëve të Kosovës për punën e tyre duke ngritur aktakuzë. Britania e Madhe vazhdon të kërkojë që autorët e këtij sulmi, përfshirë Milan Radoiçiq, të kapen dhe të sillen para drejtësisë. Ne përsërisim thirrjen tonë ndaj Serbisë që të marrë masat e nevojshme për të siguruar që kjo të ndodhë sa më shpejt të jetë e mundur”, ka shkruar ai në platformën “X”.
Ndryshe, më 24 shtator të vitit të kaluar nga sulmi i kryer nga grupi paraushtarak serb, i cili ishte i armatosur rëndë, mbet i vrarë rreshteri i Policisë së Kosovës, heroi – Afrim Bunjaku.
Today marks a year since the killing of police officer Afrim Bunjaku and the shocking events that took place at Banjska.
I pay tribute to the professionalism and bravery of the Kosovo Police for their action to restore order on 24 September 2023, and to 🇽🇰 prosecutors
1/2 pic.twitter.com/1owK6OSGPq— Jonathan Hargreaves (@jonhargreaves67) September 24, 2024